Someone you knew is now OssomTossom

Síðan ég keypti mér auka harðan disk hef ég verið duglegur við að hlaða inn á hann tónlist. Nú er ég til dæmis kominn með um þrjá klukkutíma af Sinatra bláeygða, rúmlega tvo tíma af Hauk Morthens, og tæplega fjórar mínútur af Human League.

Í kvöld á að myrkva borgina, svona eins og við gerðum í stríðinu.

Því miður ekki, reyndar. Það á víst bara að slökkva á ljósastaurum og þess háttar, en fólk má samt alveg lofa ljósinu að streyma útum stofugluggana eins og þeim hentar. Ég vona bara að það verði sæmilega heiðskýrt, svo ég geti sest út á svalir með minn hálfpott af viskíi og gónað út í loftið eins og álfur, svona einu sinni.

Eða kannske ég taki bara smá forskot á sæluna, sýnist allt stefna í prýðisgott sólsetur. Skál!